Myrto Uzuni do të largohet nga klubi aktual, Lokomotiva Zagrep, për të firmosur me kampionët e Hungarisë, Ferencvaros.
Siç konfirmojnë shumë portale hungareze, e Zagrebit do të përfitojë 1.8 milion euro nga ky transferim, ndërsa ekipi i Laçit, 360 mijë euro, pasi kishte një klauzolë 20% në rast shitje.
Vetë Uzuni, ka firmosur një kontratë 4-vjeçare dhe do të përfitojë plot 1.2 milion euro, me 300 mijë euro në sezon. 25-vjeçari ka qenë një ndër lojtarët më të mirë në Kroaci që nga transferimi i tij te Lokomotiva e Zagrebit.
