Shtohet numri i personelit mjekësot të prekur nga koronavirusi. Në 24 orët e fundit raportohet se janë infektuar me Covid-19 dy mjekë në Fier.
Një mjek anestezist i spitalit të Fierit ka rezultuar pozitiv pas marrjes së tamponit, i cili ka paraqitur simptoma.
Mësohet se mjeku ka qenë gjatë ditëve të fundit në qytetin e Vlorës, ku edhe mund të jetë prekur nga virusi.
Në momentin e parë që ka konstatuar shenja të virusit nuk është paraqitur më në punë, ndërsa deri më tani nuk është pezulluar asnjë ndërhyrje në këtë spital.
Po ashtu një tjetër mjek, i cili punon në Levan, por banon në Fier ka rezultuar pozitiv me Covid, duke bërë që të merren tamponët për kontaktet e afërta të tij.
