James Rodriguez do të largohet nga Real Madrid në fund të sezonit. Fantazisti kolumbian nuk bën pjesë në planet e trajnerit Zidane duke bindur vetë futbollistin për tu larguar nga klubi.
E ardhmja e 29-vjeçarit shihet në Premier League, ku të interesuar për të janë dy skuadra. Carlo Ancelotti e vlerëson shumë dhe dëshiron ta marrë tek Everton. “Daily Mail” raporton se në garë për 29-vjeçarin është edhe Wolves. “Ujqit” janë rritur shumë vitet e fundit dhe ia kanë dalë të kualifikohen në Europa League.
Drejtuesit e Wolves po përgatisin një ofertë për Real Madrid. Interesim për James Rodriguez ka shprehur edhe Atletico Madrid, por Everton mbetet favorit, pasi lojtari dëshiron të punojë përsëri me Ancelottin.
