Milot Rashica nuk do të jetë pjesë e Werder Bremen në sezonin e ardhshem.
Lajmin e ka konfirmuar, drejtori sportiv i Bremen, Frank Baumann, i cili pranon se janë në bisedime për shitjen e sulmuesin dardan.
“Përfundimisht ka lëvizje për shërbimet e Milot Rashicës. Jemi në bisedime me një klub dhe duhet të supozojmë se ai nuk do të luajë me ne sezonin e ardhshëm. Gjithsesi nuk do ta shesim nën vlerën e tij. Askush nuk është në shitje, por një ose dy titullarë do të largohen”, ka deklaruar Baumann.
RB Leipzig ka qenë një nga klubet më të lakuara për shërbimet e Rashicës, por në skenë së fundmi ka dalë edhe skuadra e Milanit që pritet të konfirmojë si trajner gjermanin Ralf Rangnick për sezonin e ardhshëm.
