Këngëtari i njohur Capital T rreth një muaj më parë publikoi këngën “Flawless”, pjesë e albumi të tij “Skulpture”. Kënga ka arritur gati 4.1 milionë shikime dhe Capital T e ka quajtur një sukses.
Në një postim në Instagram, ai shkruan se është krenar për “Flawless”, duke theksuar se është ndryshe nga këngët e tjera në industrinë e muzikës.
“FLAWLESS jam shumë krenar për ty 🙏🏻 Krejt ndryshe prej ç’ka bën industria edhe prapë ja dole të triumfosh me sukses 💪🏻🥰 #SKULPTURE”- shkroi ai në një postim në Instagram, krahas një video ku këndonte këngën.
Megjithatë nuk kanë munguar kritikat për Capital T. Një prej ndjekësve shkruan se videoklipet bëhen me Gucci e shampanjë ndërkohë që shqiptarët hanë groshë.
“Pash Zotin veç këngë me Gucci, shampanjë e kështu mos bëni më, se kanë filluar duke na dal gjak nga veshët. Shqiptarët gjithë jetën kanë ngrënë groshë, na bëjnë filma tani,”– komentoi ndjekësi.
“Prandaj që tani na ka ardhur dita bëjmë filma 😂 po groshën e hamë prapë ne ç’ke ti 🤣♥️”- shkroi Capital T.
