Gianni de Biasi është pranë nënshkrimit me përfaqësuesen e Azerbajxhanit.
Mësohet se ish-trajneri i Shqipërisë ka rënë parimisht dakord, teksa lajmi është konfirmuar edhe nga drejtuesit e Federatës së Azerbajxhanit.
Kanë qenë këta të fundit që e kanë kontaktuar italianin, për t’i besuar “timonin” e Kombëtares, i cili pritet të firmosë një kontratë 2-vjeçare
“Duke pasur parasysh situatën që ka lidhje me pandeminë e COVID-19, pritet të nënshkruhet një akord me Xhani De Biazin, i cili do të emërohet kryetrajner i kombëtares nëse do të pranojë kushtet që i kemi vendosur.
Negociatat për të përcaktuar kushtet e mëtejshme të akordit do të vazhdojnë nëse arrihet maxhoranca në Komitetin Ekzekutiv për emërimin e tij. Zëvendësi do të jetë Arif Asadov”, shkruhej në njoftimin zyrtar të Federatës Azere.
Kujtojmë që hera e fundit që De Biasi ka qenë në drejtimin e një skuadra futbolli ka qenë në vitin 2017 teksa ishte trajner i Deportivo Alaves. Gjithsesi ajo eksperiencë për të zgjati vetëm dy muaj.
