Portieri i Adelaide United, Isaac Richards, ka vendosur ta braktisë futbollin e luajtur dhe shkak për këtë është pasioni i tij për sportin e arteve marciale (MMA).
21-vjeçari ka bërë zyrtare largimin e tij nga klubi Australian ditën e sotme duke konfirmuar kështu dëshirën e tij të madhe për t’u përfshirë në MMA.
”Për mua sporti i MMA ka qenë ajo çfarë unë kam dëshiruar të bëj gjithmonë. Ato më ndihmojnë shumë të kontrolloj dhe kuptoj emocionet e mia. Jam shumë i lumtur që do të dal nga zona ime e sigurisë”, deklaron Richards.
Gjithashtu ka pasur dhe një reagim nga drejtori sportiv i Adelaides, Bruce Djite.
“Nuk të ndodh çdo ditë që të vjen një lojtar në zyrë dhe të thotë që dëshiron të jetë një luftëtar në MMA. Isaac ishte shumë mirë si portier, por ne kurrsesi nuk do t’i pengojmë lojtarët të ndjekin ëndrrat dhe pasionet e tyre”, mbyll drejtori sportiv.
