Real Madridi ka fituar një ndeshje mjaft të vështirë në transfertë kundër Athletic Bilbaos me rezultatin 0-1. T
Edhe kjo ndeshje u vendos nga Sergio Ramos i cili u tregua i saktë në penalltinë e tij të radhës. Marcelo u pengua në zonë dhe gjyqtari i ndeshjes pas konsultimit me VAR, vendosi për 11-metërsh që u kthye në gol nga qendërmbrojtësi.
Real Madrid fiton kështu në një transfertë të vështirë dhe vendos një dorë te titulli. La Liga do dhe 4 javë të mbyllet dhe kundërshtarët e madrilenëve janë krejtësisht të kalueshëm sepse do të përballen me Alaves, Granada, Villarreal dhe Leganes. Momentalisht, “Los Blancos” kanë 7 pikë diferencë nga Barca në pritje të sfidës së katalanasve.
