Një e moshuar në Angli ka vdekur në mënyrë tragjike pasi ngatërroi vajin e gatimit me vaj lufbrifikues makinash.
Daily Mail shkruan se Carol Oldfield 74 vjeç hodhi vaj lubrifikues për të skuqur patatet dhe ndezi vatrën në kuzhinën e shtëpisë së saj. Më pas shkoi në një dhomë tjetër ku e zuri gjumi për rreth dy orë.
Era e tymit nga vaji që digjej i bllokoi asaj mushkëritë, e si pasojë gjeti vdekjen ditë më vonë në spital.
Këshilltari në Spitalin Royal Derby, detajoi në një raport se si gjendja e saj u përkeqësua ngadalë, ku zonja Oldfield ankohej se i thahej fyti dhe pati kollitje të forrta gjatë ditëve të ardhshme.
Nga testimi mjekësor u zbulua se ajo kishte shenja të hershme të dementias (çmendurisë).
