Pak ditë më parë Arjen Robben vendosi t’i rikthehet futbollit të luajtur, teksa firmosi me ekipin holandez të Groningenit.
Ndërsa tashmë një tjetër rikthim i bujshëm po përgatitet ku emri i lakuar është Wesley Sneijder. Mësohet se klubi i Utrecht i ka bërë një ofertë holandezit që të luajë përsëri futboll.
Heroi i “tripletës” me Interin, vendosi të tërhiqej nga futbolli i luajtur një vit më parë. Klubi në fjalë hollandez e ka konfirmuar interesimin për Sneijder.
“Ne kemi folur me të për kthimin e tij të mundshëm, tashmë i takon atij të vendosë. Ka kohë të mendohet dhe nëse i pëlqen ideja, dyert tona i ka të hapura. Një Sneijder në gjendje të mirë sportive mund të jetë interesant”, – ka thënë drejtori teknik i Utrecht, Jordy Zuidam, ditën e djeshme.
