Në ditët e para të Covid-19, Qendrat për Kontrollin dhe Parandalimin e Sëmundjeve (CDC) thanë se nuk ishte e nevojshme që njerëzit e shëndetshëm të mbanin maskë në publik. Por më 3 prill CDC-të lajmëruan që çdokush përveç fëmijëve nën moshën 2-vjeçare duhet të mbajë maskë.
Natyrisht që njerëzit u konfuzuan, me CDC-të dhe OBSH-në që në fillim u thonë mos vënë maskë dhe pastaj të vendosin. Por ja që vendosja e maskës pengon përhapjen e mëtejshme të virusit. Disa njerëz u ndërgjegjësuan, filluan të vënë maska kur shkojnë në supermarket, punë, shkollë etj. Por të tjerë jo. Pavarësisht rregullave, ata preferojnë të mos vënë maskë.
Por pse?
Një grua në Florida shkroi disa ditë më parë në Facebook: “Unë nuk mbaj maskë për të njëjtën arsye që nuk vesh të brendshme, gjërat duhet të marrin frymë.” Komenti i saj u prit me të qeshura. Por për shumë njerëz që ndjekin rregullat dhe mbajnë maskë kur janë në publik, nuk është shaka.
Psikologët: Pse disa njerëz refuzojnë të mbajnë
Sipas ekspertëve janë 4 arsye pse shumë njerëz nuk vënë maska kur dalin në publik.
1- Ndikohen nga mesazhe kontradiktore në media dhe nga njerëz me pozitë, të cilët këshillojnë të mos mbajnë maska. Shumë njerëz mund të ndihen sikur maska është imponim në jetën e tyre dhe nuk ndihen rehat, kështu që ata zgjedhin të mos e vënë.
2-Mohimi është një motivues i fortë. Një person që refuzon të besojë se po qarkullon një virus, nuk vendos as maskë.
“Mohimi fillon automatikisht kur dikush nuk mund të trajtojë rëndësinë dhe seriozitetin e një situate. Mohimi çon në shmangie dhe pastaj çon në mosdëgjimin e fakteve, gjë që është e turpshme.”, thotë psikologia Gayani DeSilva, informon dritare.net
3- Edhe pse kriza nuk ka mbaruar, shumë prej nesh thjesht duan të ecin përpara dhe të kenë përsëri kontroll mbi jetën e tyre. Për disa njerëz, kjo do të thotë të shkosh në një drejtim tjetër, ekstrem, të hedhësh në erë distancën sociale dhe të shkosh pa maskë. Disa prej tyre po zgjedhin të rebelohen kundër gjithçkaje që u është imponuar muajt e fundit, përfshirë maskën. Maska është bërë simboli i COVID-19, kështu që ka kuptim që disa njerëz e refuzojnë atë.
4- Disa nga ne thjesht nuk pranojnë të jenë lojtarë të skuadrës. Nëse jeni duke pyetur veten nëse disa njerëz janë thjesht egoistë dhe nuk mund të shqetësohen me vendosjen e një maskë, ose ndjehen mbi ligjin dhe mendojnë se nuk kanë pse t’i zbatojnë rregullat, atëherë mund të keni të drejtë.
“Unë mendoj se disa njerëz kanë një sens elitizmi, tipare narciste ose u duket vetja më të mirë se të tjerët. Kjo është kryesisht për shkak të mekanizmave mbrojtës, gjithashtu të lindur nga frika dhe ndjenja e të qenit veç nga të tjerët.”,- thotë psikologia. Disa refuzues të maskave e shohin çështjen vetëm në aspektin e komoditetit dhe sigurisë së tyre. Nga pamendimi ose egoizmi, ata nuk e kuptojnë që vënia e një maskë mund të parandalojë përhapjen e virusit, jo vetëm tek ata, por edhe te familjarët dhe komuniteti i tyre.
