Sezoni i ri i Formula 1, starton zyrtarisht këtë fundjavë teksa gara hapëse do të jetë ajo e Austrisë më 5 korrik,
Në prag të kësaj gare, drejtori sportiv i Mercedes, Toto Wolff, ka thënë se pret një betejë të fortë me Red Bull në pistën e Zeltweg. Sipas tij, makina austriake, që garon në shtëpinë e saj, do të jetë një rival më i fortë se sa Ferrari.
“Mezi presim të zbresim në pistë dhe të duelojmë më rivalët tanë. Testet që janë zhvilluar në Barcelonë janë kryer disa muaj më parë, por pres që ato akuilibra që u shfaqën aty të konfirmohen edhe në Austri”, tha Wolff.
“Mendoj se në Austri do të jetë një betejë e fortë mes Mercedes dhe Red Bull, që është treguar në teste një kockë e fortë, Max Verstappen tregoi një formë të mirë në testet dimërore dhe kjo e bën atë një rival të fortë për pilotët tanë”, tha shefi i Mercedes.
