Melania Trump është e njohur për veshjet e saj të shtrenjta, por nuk janë vetëm rrobat e saj që vijnë nga dizajnerët më të mirë, shkruan Express.co.uk.
Ditën e djeshme Zonja e Parë dukej elegante ndërsa organizoi një tryezë të rrumbullakët për mirëqenien e fëmijëve.
Melania postoi disa foto dhe krahas tyre shkruante: “Faleminderit @SecAzar, @GovMikeDeWine, @GovChrisSununu dhe drejtuesve të tjerë që u bashkuan në tryezën tonë të rrumbullakët sot për forcimin e sistemit tonë të mirëqenies së fëmijëve”, ka shkruar ndër të tjera ajo.
Melania kishte veshur një këmishë blu të errët dhe dukej shumë elegante por vëmendjen e mori çanta e saj. Ajo ishte e brendit “Hermes Birkini”, markës së çantave më të shtrenjta në botë.
Çanta më e lirë e kësaj marke kushton 14 mijë funta, kurse ajo më e shtrenjta ishte shitur për 287,403,99 £, e cila kishte mbi 240 diamante. Në vitin 2018, Melania kishte shpenzuar 90 mijë euro për çanta.
