Dukesha e Kembrixhit dhe Mbretëresha Elizabeth formuan një aleancë në përpjekje për të kontrolluar Meghan Markle pasi sjellja e saj filloi të shqetësonte familjen mbretërore.
Në një libër të prodhuar nga Dylan Howard, “Royals at War”, pretendohet se Dukesha e Kembrixhit zhvilloi një takim me Mbretëreshën në dhjetor 2018, gjashtë muaj pas dasmës së Princit Harry dhe Meghan. Si rezultat i takimit pretendohet se Mbretëresha e shqetësuar ra dakord të udhëzojë Meghan përmes “gjyqeve dhe mundimeve” për t’u bërë anëtare e familjes Mbretërore.
Sipas atyre që shkruhen në libër, pretendohet se Mbretëresha ishte e vetëdijshme për vështirësitë që përjetoi Princesha Diana dhe ishte e prirur të shmangte një fatkeqësi tjetër.
Në kohën e fejesës së Harry dhe Meghan, çifti i dashur rikujtoi takimet e tyre të para me familjen, ku Harry tha: “Ishte emocionuese, unë e shihja atë për një periudhë kohe ndërkohë që nuk i thash asgjë askujt.
Libri pretendon se kishte një debat midis Kate dhe Meghan gjatë provave të fustaneve të nuseve përpara dasmës së çiftit. Burimet thanë në libër: “Në një moment tensioni, çështja e titujve të fëmijëve të tyre kishte dalë në pah dhe çliroi një lum emocionesh të mbyllura”.
Pas lindjes së Archie në maj 2019, gjithashtu u pohua se u ngritën shqetësime të mëtejshme në lidhje me fotot tradicionale të foshnjës së re kur Meghan kundërshtoi konventën. Ndryshe nga Kate, Dukesha e Sussex-it anashkaloi fotografitë jashtë spitalit dhe përkundrazi kishte një set fotografik “të kontrolluar fort” me një fotograf të ftuar. Por autorët shkruajnë në libër se pavarësisht zënkave, princeshat tani kanë vendosur “armëpushim”.
Z. Howard tha që ndërhyrja e hershme e Kate me Mbretëreshën ishte një “ushtrim efektiv i kufizimit të dëmtimit”. Ai shtoi: “Kate bëri përpjekje të dukshme për t’u shoqëruar me Harry dhe Meghan në vitin e kaluar, por tani gjërat kanë ndryshuar.”
Kensington Palace nuk pranoi të komentojë.
