Këngëtarja e njohur Rovena Stefa ka vendosur që të kundërshtojë hapur prezantuesin e emisionit “Zonë e lirë”, Arjan Çanin. Shkak për këtë është bërë një deklaratë e tij në të cilën ai thotë se i gjithë Ballkani ka qenë grek.
Me anë të një postimi në Facebook, Rovena i është bashkuar kritikave duke kërkuar bojkotimin e programit “Zonë e lirë” dhe thirrjen në Prokurori të gazetarit.
“Bojkoti ndaj emisionit të tij televiziv është minimalja për këtë antishqiptar, pasi po të kishte shtet ky njëri do ishte thirrur në Prokurori tani dhe të jepte llogari mbi këto deklarata që cënojnë identitetin, integritetin tonë kombëtar, pasi është person publik dhe nuk mund të bëj deklarata të tilla, pasi shqiptarët kanë vuajtur shumë nga lufta e shovinistëve grekë!” – është shprehur këngëtarja.
