Legjenda e Milanit si futbollist aktualisht në rolin e drejtorit te kuqezinjtë, Paolo Maldini, beson se Gianluigi Donnarumma është portieri më i mirë në botë.
Duke folur për DAZN, Maldini deklaron se prioriteti numër një i Milanit duhet të jetë rinovimi me Donnarumman dhe e sheh atë si simbolin e ardhshëm të klubit.
“Është detyra e Milanit që të përpiqet të mbajë një futbollist aq të rëndësishëm siç është Gigio (Donnarumma). Ai është një lojtar që ka dalë nga akademia jonë dhe një simbol në të ardhmen e afërt. Për mendimin tim modest, ai është padyshim portieri më i mirë në botë aktualisht.” – ka thënë 52-vjeçari.
