Arsenali është kualifikuar për në gjysmëfinalen e Kupës së Anglisë falë një fitoreje 2-1 në transfertë ndaj Sheffield United.
“Topçinjtë” kanë kaluar në avantazh në minutën e 25-të të ndeshjes falë një penalltie të Pepe dhe e kanë ruajtur avantazhin deri tri minuta para fundit të 90 minutave.
Në të 87-n, në fakt, McGoldrick ka përfituar nga një gafë e mbrojtjes së Topçinjve dhe ka barazuar ndeshjen.
Kur mendohej se sfida do të shkonte në shtesë, lojtarët e Arteta-s kanë gjetur golin e fitores në minutën e 91-të me Dani Ceballos, mesfushorin e huazuar nga Real Madrid.
Skuadra e drejtuar nga Mikel Arteta, i bashkohet kështu Manchester United e cila u kualifikua ditën e djeshme ndaj Norwich City-t. Ndërkohë dy gjysmëfinalistet e tjera do të zbulohen më vonë gjatë ditës së sotme me sfidat Leicester-Chelsea dhe Newcastle-Manchester City përkatësisht në orën 17:00 dhe 19:30.
