Christina Aguilera ndoshta nuk do të njihej nga bota si Christina Aguilera. Në një intervistë për Billboard, ajo tregoi pse në fillim të karrierës, menaxherët nuk donin që të prezantohej me emrin e saj të vërtetë.
“Më kujtohet që në fillimet e karrierës sime, pati një debat të madh për të më ndryshuar emrin sepse mendonin se ishte i gjatë, shumë i ndërlikuar dhe shumë etnik,” tha ajo.
Christina ka një origjinë të larmishme. Babai i saj ka lindur në Ekuador, ndërsa nëna ka prejardhje gjermane, irlandeze, uellsiane dhe holandeze. Në vend që t’i mëshonin prejardhjes së saj, menaxherët donin që këngëtarja ta fshinte këtë gjë.
“Christina Agee ishte një nga opsionet. Isha jashtëzakonisht kundër idesë që të ndryshoja emrin. Kjo jam unë. Të qenurit latine është pjesë e prejardhjes sime,” tha ajo.
Jo më kot, Christina ka publikuar edhe versionet në gjuhën spanjolle të “Genie in a Bottle” dhe “Come On Over Baby (All I Want Is You).”
