Tre pacientë të tjerë kanë humbur betejën me COVID-19 në Kosovë.
Autoritetet vendase të shëndetësisë bëjnë me dije se mbrëmjen e djeshme në Klinikën Infektive ka ndërruar jetë pacienti J.N. i datëlindjes 1963 nga komuna e Prizrenit si dhe sot në orët e hershme të mëngjesit ka ndërruar jetë pacienti R. B. i datëlindjes 1942 nga komuna e Prizrenit, të cilët përveç infeksionit me COVID-19 kishin edhe sëmundje shoqëruese.
Sot, në orën 08:15, ka vdekur dhe pacienti me inicialet D.N, viti i lindjes 1949 nga Suhareka, i cili ishte shtruar në Njesinë Intensive në objektin e Mjekesisë më 23 qershor, i transferuar nga Klinika Infektive, i konfirmuar me strisho pozitive për COVID-19.
Në total numri i viktimave nga koronavirusi në Kosovë ka arritur në 47.
Infektivja njofton se janë të hospitalizuar 97 raste COVID-19.
