Reperi i hitit “Pop, Lock & Drop It”, Lawrence Franks Jr ka humbur jetën në mënyrë tragjike mbrëmjen e së enjtes. Mediat e huaja raportojnë se 32-vjeçarit i është bërë atentat me armë zjarri.
Policia ka nisur menjëherë hetimet në vendin e ngjarjes, mirëpo deri tani nuk ka asnjë person të dyshuar. Reperi i njohur ndryshe si Huey u qëllua me dy plumba në St. Louis, në vendin e tij të lindjes Kinloch, vetëm pak para mesnate.
Ai u dërgua në spital por nuk mundi të mbijetonte për shkak të plagëve të marra.
Kushëriri i tij, Bruce Franks Jr, konfirmoi lajmin e hidhur në Twitter me një foto nga performanca e fundit së bashku.
“Hera e fundit që performuam bashkë! Të gjithë e njihni si Huey, për të dashurit e tij ai ishte LJ! Kushëriri im i vogël! Pusho në paqe! Ky lajm na goditi fort!”-ishin fjalët e tij krahas postimit.
