Kryepiskopi i Kishës autoqefale Orthodokse në Shqipëri, Anastasi, ka bërë një ndërhyrje në zemër pas problemeve që kishte shfaqëur sëfundmi me shëndetin e tij.
Lajmin për ndërhyerjen në zemër të kryepiskopit Anstas e ka bërë vetë Kisha Autoqefale.
Sipas Kishës për shkak të shqetësimeve kardiake, as ekzaminimeve në një spital privat, u konstatua stenozë e arteries së zemrës dhe brenda ditës u realizua me shumë sukses ndërhyrja angioplastike, me vendosjen e dy stentave.
Ja postimi i Kishës Autoqefale:
NJË PERIPECI E VOGËL ME SHËNDETIN E KRYEPISKOPIT ANASTAS
Pasditen e së premtes, dt. 26 qershor 2020, Kryepiskopi i Tiranës, Durrësit dhe i gjithë Shqipërisë, Fortlumturia e tij, Anastasi, u shtrua në Spitalin HYGEIA në Tiranë, për shkak të shqetësimeve kardiake. Pas ekzaminimeve, u konstatua stenozë e arteries së zemrës dhe brenda ditës u realizua me shumë sukses ndërhyrja angioplastike, me vendosjen e dy stentave. Lavdi Zotit, sot, ditën e shtunë, shëndeti i tij paraqitet veçanërisht i kënaqshëm.
Mjekët e informuan se brenda dy ditësh do të jetë në gjendje të kthehet në Kryepiskopatë.
Kryepiskopata e Hirshme e Tiranës dhe Durrësit,
27 qershor 2020
