Procesi sesi do t’i përzgjedhë PD emrat e listave të kandidatë për zgjedhjet e ardhshme qendrore ka tërhequr dhe vëmendjen e ndërkombëtarëve.
Së fundmi që ka reaguar është Thibauld Muzeurges, Drejtori i Programit për Europën pranë Partisë Republikane të Shteteve të Bashkuara të Amerikës.
Ai shpreh konsideratën e tij të lartë për procesin zgjedhor që Partia Demokratike po ndërmerr brenda rradhëve të saj, për të zgjedhur nga anëtarësia kandidatët për deputetë dhe kryetarë bashkish.
Ky proces është mbështetur dhe asistuar edhe nga Fondacioni Westminister dhe Partia Konservatore në Britaninë e Madhe.
Postimi në Twitter:
Dje,@lulzimbasha_al&@pdshqiperi ndërmorën një hap të guximshëm në zgjedhjen e kandidatëve për të partisë në mënyrë transparente nga anëtarësia e saj. Duke paraqitur një sërë rregullash të qarta për procesin e primareve, PD po tregon lidership në përzgjedhjen e kandidatëve si dhe një model për Shqipërinë dhe tërë rajonin.
