E ardhmja e Lautaro Martinez te skuadra e Interit duket e paqartë dhe duket se kjo verë do të jetë e gjatë për drejtuesit e zikaltërve dhe Barcelonës klub I cili këmbëngul për shërbimet e tij.
Për të ardhmen e argjentinasit ka folur gazetari i njohur italian Bruno Longhi, që thekson se katalanasit nuk i kanë paratë për argjentinasin, jo pa shitur disa futbollistë…
“Shumë budallallëqe janë shkruar mbi Lautaro Martinez. Barcelona përfitoi nga shteti për të paguar punëtorët e pushuar nga puna në kohë pandemie dhe nuk do të mund të shpenzojë fare pa shitur më parë.”
“Në Itali njerëzit vazhduan të flisnin për këtë bisedim, por Barcelona 111 milionë eurot nuk di se ku të shkojë t’i marrë. Synimi i Contes është të vazhdojë me këtë çift (Lukaku-Martinez). Trajneri ka punuar kaq shumë dhe nuk dëshiron ta lërë të shkojë. Martinez është një fjalim i mbyllur për Barcelonan”.
Për sa i përket talentit të Brescias, Sandro Tonali, Longhi deklaron se tashmë ai është lojtar i Interit. “Është marrë, diçka duhet bërë në krah! Këto ndeshje i shërbejnë Eriksen për të treguar cilësitë e tij. Nëse do të ndeshte një periudhë tjetër të errët, atëherë do të dilte në shitje…”.
