Mjeku Dritan Alushani dhe aktivistja e komunitetit LGBT, Xheni Karaj ishin të ftuar në “Ftesë në 5” me Bieta Sulon. Teksa po flisnin për fëmijët që lindin me dy organe gjenitale, mes tyre nxiti një debat.
Kjo pasi mjeku tha se Xheni nuk duhet të ishte në studio dhe të fliste në lidhje me këtë temë, sepse sipas tij nuk ka informacionin e duhur. Ndërsa Xheni nga ana e saj pretendonte se ajo bazohej në studime shkencore.
Ndër të tjera mjeku foli edhe për fëmijët që lindin me dy gjini dhe tha se paraprakisht bëhen disa teste dhe më pas vendoset se çfarë gjinie do t’i lënë fëmijës.
“Vendimi merret në bazë të një ekspertize që bëhet. Duke e parë nga ana anatomike. E dyta duke bërë disa analiza shumë të rëndësishme, i pari është kariotipi. Së dyti maten hormonet e fëmijës së vogël, dihet që femrat kanë prodhim homorial të ndryshme nga meshkujt. Përveç kësaj shihet edhe situata anatomike, kush është i favorizuar nga ana anatomike. Pra ka gonade që janë mashkullore, apo ka gonade që janë femërore, apo ka vaginë apo organ mashkullor”, tha mjeku.
