Një konflikt fizik mes dy persona është regjistruar në Delvinë, i cili ka degraduar deri në perdorimin e armëve të gjahut dhe për pasojë ka mbetur i plagosur një prej tyre.
I plagosur ka mbetur shtetasi L.K., 21 vjeç, banues në fshatin Rusan, i cili ka shkuar i dëmtuar në këmbë në spitalin e Delvinës dhe ndodhet jashtë rrezikut për jetën.
Mësohet se ata ishin shokë me njëri-tjetrin dhe ishin barinj. Ngjarja ka ndodhur rreth 3 km larg Delvinës në vendin e quajtur ‘Katalat’ për çështje kullotash.
Autori është ende në kërkim nga policia dhe vijon puna për kapjen e tij.
