Pas përfundimit të gjendjes së fatkeqësisë natyrore Agjencia e Prokurimit Publik u ka bërë me dije autoriteteve kontraktore se mund të vijojnë normalisht me planin e tyre të prokurimit. Më herët në fillim të gjendjes së fatkeqësisë dhe më pas zgjatjes së saj u bë me dije se institucionet nuk do të lejoheshin që të prokurorin procedura të zakonshme por vetëm ato të lidhura me emergjencën e COVID-19 si dhe ato që konsideroheshin si jetike për komunitetet.
Gjatë këtyre muajve ajo që ra në sy ishin prokurimet për medikamente, për ushqime për familjet në nevojë për të përballuar situatën e COVID-19, por nuk bënë përjashtim as ujësjellës apo projekte infrastrukturore si rrugë. Në një pjesë të mirë të procedurave insitucionet u toleruan që për hir të emergjencës të vijonin edhe negocimet pa shpallje paraprake që u kthyen në shumë raste objekt akuzash politike mes palëve.
Këtë të enjte APP në njoftimin e saj bëri të qartë se institucionet nuk do të kenë asnjë kufizim.
“Me përfundimin e afatit të shpallur për gjendjen e fatkeqësisë natyrore të gjitha autoritetet kontraktore mund të vijojnë procesin e prokurimit për mallra, punë ose shërbime për përmbushjen e nevojave të tyre sipas parashikimeve ligjore në fuqi për prokurimet publike” thuhet në njoftim./Monitor.al
