Ditën e djeshme është ndarë nga jeta në moshën 73-vjeçare babai i gazetarit Sokol Balla, Lulzim Balla. Mësohet se ai prej 5 vitesh vuante nga një sëmundje e rëndë.
Për rreth 43 vjet, ai ka punuar si kameraman në Radio Televizionin Shqiptar. Nga viti 2011, Lulzim Balla kishte marrë titullin ‘Mjeshtër i Madh’ nga presidenti i Republikës, Bamir Topi.
Në një reagim të tijin, Sokol Balla ndër të tjera shprehet se ndarja me babanë e dhimbshme, por e qetë.
“Ndarja me babain, e dhimbshme dhe e qetë. Faleminderit për atë që bëri për mua. Nëse mendoni se kam diçka të mirë, ju siguroj e kam prej tij. Sa për vizitat: Është kohë pandemie. Jam i sigurt që Lul Balla do jetë në lutjet tuaja në distancë. Të gjallët takohen edhe më vonë. Të ruajmë distancën fizike, rëndësi ka afërsia shpirtërore.”,- shkruan Sokol Balla në mesazhin e tij.
