Deputetja Rudina Hajdari i është kundërpërgjigjur Edi Ramës lidhur me deklaratën e tij në Kuvend i cili doli në mbrotje të dy figurave të rëndësishme të PDK-së Hashim Thaçi dhe Kadri Veseli pas akuzave të ngritura për krime lufte.
Gjatë fjalës së saj Hajdari iu drejtua Ramës se nuk mund të flasë për viktimat në Kosovë pa folur për viktimat e komunizimit në Shqipëri.
Mes të tjerash, ligjvënësja shqiptare e krahasoi kreun e qeverisë me diktatorin e Kubës, Fidel Kastro.
“Na preku të gjithëve, dhe për këtë nuk mund të themi asgjë. Por arsyeja se pse e mora fjalën është se zoti Rama mbajti një fjalim prej rreth një ore, më keq Fidel Castro që bën gjera makabre. Atë që nuk përmendet në këtë sallë. Hipokrizia në këtë Kuvend nuk është faj vetëm i Ramës, por i çdo kryeministri. Nuk mund të flitet për Kosovën, pa folur për viktimat e komunizmit. Nuk mund të flitet për atë qindra mijëra vetë, mes tyre fëmijë. Më vjen keq që nuk i kemi gjetur ata xhelatë dhe t’i fusim në burgje. Ne ia kemi bërë gjëmën këtij vendi. Të njëjtën gjë qe i ka bërë Serbia Kosovës. ndaj mos t’ju vijë keqa zotërinj deputetë, ta shohim të shkuarën tonë ashtu siç është dhe mos të kemi turp dhe ti themi disa të vërteta.”, tha Hajdari.
