Një aksident automobilistik është regjistruar mbrëmjen e sotme në Malësi të Madhe.
Burime zyrtare bëjnë me dije se një trajler me drejtues shtetasin Boshnjak M. K. 35 vjeç, banues në Laktash, shteti Bosnje Hercegovinë, është përplasur me mjetin motorçikletë, me drejtues shtetasin Gj. L. 41 vjeç, banues në fshatin Hot.
Ngjarja ka ndodhur në orën 21:40, në aksin rrugor Hani i Hotit – Shkodër, pranë fshatit Vukpalaj.
Si pasojë e aksidenti ka mbetur i plagosur drejtuesi i motorit i cili ndodhet në Spitalin Rajonal Shkodër në gjendje të rëndë.
Në vendngjarje ndodhen shërbimet e policisë dhe po kryhen veprimet me grup hetimor për sqarimin e rrethanave të aksidentit.
