Modelja 31-vjeçare Morgan Osman ka folur hapur në shkrimin dedikuar marrëdhënies me multi-milionerin Philipp Plein, duke zbuluar “anët e errëta” të lidhjes së tyre.
“Ajo do të preferonte të ecte vetëm në errësirë, se sa të ndiqte hijen e dikujt tjetër”, kështu e ka përshkruar artikullin më të fundit në blog-un e saj të titulluar “Jeta pas Plein”, ish- e dashura e këtij të fundit.
Morgan ka treguar se si stilisti 41-vjeçar i privonte lirinë, duke mos e lejuar të kishte miq. Ajo gjithashtu ka rrëfyer se Plein ishte kontrollues dhe nuk e trajtonte mirë. Por, këto janë vetëm disa nga detajet që bukuroshja brune ka sjellë përmes postimeve në Instagram, pasi për të lexuar të gjithë historinë duhet të abonohesh në website-n e saj.
Megjithatë, ajo që vihet re është mbështetja e madhe e ndjekësve të Osman, të cilët e kanë përgëzuar për guximin dhe kurajon.
Kujtojmë se Philipp tanimë është në një lidhje me Lucia Bartolin, që pas ndarjes me Morgan 1 vit më parë.
