Shkrimtari i njohur spanjoll Carlos Ruiz Zafon ka ndërruar jetë në moshën 55-vjeçare. Carlos është i njohur edhe për lexuesit shqiptare.
Sipas raportimeve të mediave spanjolle, Carlos Ruiz Zafon u diagnostikua me kancer në zorrën e trashë në vitin 2018.
Pedro Sanchez, kryeministri i Spanjës, tha në Twitter: “Ne kemi humbur një nga shkrimtarët spanjollë më të lexuar dhe të admiruar në botë. Zafón, një shkrimtar me vlerë i kohës sonë, dha një kontribut të rëndësishëm në letërsinë moderne.”
Autori i tetë romaneve që përfshijnë “Labirintet e Shpirtrave” apo “Loja e engjëllit”, Ruiz Zafon ka shitur më shumë se 38 milionë kopje në të gjithë botën, është përkthyer në më shumë se 40 gjuhë.
Kujtojmë gjithashtu se Zafon konsiderohet si shkrimtari më i lexuar spanjoll, pas Servantesit.
