Ka kaluar thuajse 1 vit që kur gjuri i tij i majtë bëri “crac”, por Marco Asensio ia doli dhe tashmë ai përjetim dhe ajo periudhë janë vetëm një kujtim i hidhur. i rikthyer në fushë ndaj Valencias duke shënuar pas vetëm 29 sekondash në lojë, talenti i Real Madrid ka treguar atë kalvar që hoqi… Gjithçka ndodhi në sfidën ndaj Arsenalit.
“U përpoqa të mbroja topin dhe më ngeli këmba aty e ngulur në tokë. E ndjeva kërcitjen dhe menjëherë e kuptova se nuk ishte diçka e lehtë. Pata frikë dhe u ktheva nga stoli duke kërkuar ndihmë”…
Ishte 24 korriku 2019 dhe Blancos luanin turneun veror ndaj Arsenalit në International Champions Cup.
Pas ndërhyrjes kirurgjikale, Asensio shpjegon se “në filim kisha dhimbje dhe kur mbyllja qepallat e syrit. Vuajta shumë dhe qaja çdo natë. Lëvizjet më të vogla ishin vuajtje, mësova të jetoja me dhimbjen e kokës”. / telesport
