Gara për titullin në La Liga ka hyrë në fazën më interesante. Me barazimin e Barcelonës mbrëmjen e djeshme, Real Madrid ka tashmë mundësinë që t’i bashkohen atyre në renditjen e La Ligës nëse fitojnë ndeshjen e së dielës kundër Real Soecidad.
Deri në përfundimin e sezonit, Barcelonës i kanë mbetur edhe 8 ndeshje, kurse Realit 9 me sfidën e nesërme.
Kalendari deri në fund duket se favorizon më shumë Realin. Në javën e 31-të Barça do të presë skuadrën e Athletic Bilbaos, derisa në atë të 32-tën i shkon Celta Vigos.
Pastaj në të 33-tën, e pret në ‘Camp Nou’ Atletico Madridin, më pas luan si mysafirë i Villarreal, një teren i vështirë derisa në xhiron e 35 pret në ‘Camp Nou’ Espanyolin.
Kurse Real Madrid, pas Real Sociedadit, do të ketë punë me Mallorcan, pastaj në udhëtim me Espanyolin. Athletic Bilbao dhe Villarreal gjithashtu janë kundërshtar të Los Blancos, ashtu si të Barcelonës.
Gara do të vazhdojë të jetë tërheqëse deri në fund, një gabim në këtë fazë do të ishte fatal për secilën skuadër dhe Barcelona tashmë e bëri një hap falas që mund t’i kushtojë në fund.
