Zbulohet pas 21 vitesh shkaku i vdekjes së një shqiptari në Itali. Në 29 shtator në Gjykatën e Brescias do të hapet procesi gjyqësor lidhur me vdekjen e shqiptarit Bajram Muça, i cili gjeti vdekjen në provincën e Chiari në vitin 1999.
Ai u shtrua në spitalin e Chiarit në gjendje kome, ku dhe ndërroi jetë pak më vonë.
Autopsia e kryer në trupin e pajetë doli në konkluzionin se shqiptari kishte gjetur vdekjen nga meningjiti.
Hetimet lidhur me vdekjen e shqiptarit mbetën pezull, deri kur një tjetër gjyqtar në Brescia vendosi të marrë çështjen në shqyrtim.
Përpara kërkesës së arkivit, gjyqtari kundërshtoi, duke kërkuar rinisjen e hetimeve.
Kështu nga hetimet e kryera, rezultoi se Bajram Muça, nuk kishte vdekur nga meningjiti, por nga dhuna e pësuar nga personi që e kishte grabitur, shkruan noa.al.
Për këtë arsye u urdhërua urdhri i arrestit për një tjetër shqiptar, 41-vjeçarin Lulzim Rubjeka, i cili do të përballet me akuzën e vrasjes. Aktualisht po hetohet për të zbuluar bashkëpunëtorin e të ndaluarit.
