Këngëtari i njohur Tiziano Ferro u martua me të dashurin e tij, Victor Allen., një vit më parë. Ceremonia e martesës u mbajt në një provincë me Sabaudia me 40 të ftuar.
Dyshja ka në plan të zgjerojë familjen e tyre dhe pikërisht për këtë arsye ndodhen dhe në SHBA.
“Burri im Victori dëshiron një djalë tani më shumë se kurrë. Ndoshta se ai është gati të mbush 55 vjeç”- ka treguar Tiziano për ‘Corriere Della Sera’.
“Këtu në Amerikë situata është relativisht më e lehtë ose më saktë ka zgjidhje të ndryshme siç është mundësia e kujdesit për një fëmijë për një kohë të caktuar, madje pa një birësim të vërtetë”, ka shtuar këngëtari.
Kjo taktikë e njohur si “fostering”, ka të bëjë me marrjen, sigurimin, ushqyerjen, kujdesin prindëror ndaj një fëmijë, ndonëse nuk ekziston lidhje gjaku apo juridike.
Ideja e familjes ka qenë gjithmonë në mendjen e tij, madje dhe para se të martohej me Victorin. Në një intervistë për “Vanity Fair” ai kishte shprehur mundësinë që të bëhej baba më vete.
“Do të doja një fëmijë edhe nëse jam vetëm. Sidoqoftë shpresoj të gjej dikë që ta ndaj këtë ëndërr së shpejti“, ishte shprehur ai.
