Një ngjarje e rëndë ka ndodhur mbrëmjen e djeshme në Vlorë. Mësohet se disa të rinj janë konfliktuar fizikisht me njëri-tjetrin ku fati i njërit prej tyre ka rezultuar tragjik pasi ka mbetur i vrarë, pas goditjes me thikë në zemër.
Ai u dërgua me urgjencë në spital por nuk ka arritur dot t’iu mbijetojë plagëve të marra duke ndërruar jetë disa orë pas qendrimit në sallën e operacionit.
Burime bëjnë me dije se viktima është 26-vjeçari Aleksandër Petanaj.
Ngjarja tragjike ka ndodhur në zonën e Pyllit të Sodës.
Shërbimet e policisë po hetojnë për zbardhjen e rrethanave të ngjarjes, ndërsa ende nuk jepen detaje për identitetin e autorit.
