Aktorja Raven-Symone është martuar në fshehtësi. 34-vjeçarja zbuloi në një postim në Instagram se i kishte dhënë fund beqarisë duke i treguar botës bashkëshorten e saj Miranda Maday. Ato njoftuan lajmin e bukur me një foto duke u përqafuar.
“Jam martuar me gruan që më kupton për gjithçka. Të dua zonja Pearman-Maday!”
Nga foto e realizuar mendohet se dasma u zhvillua në oborrin e shtëpisë.
Ajo foli për seksualitetin e saj publikisht në vitin 2013 pasi Gjykata Supreme e SHBA rrëzoi një ligj që ndalonte njohjen e martesës brenda të njëjtit seks.
“Më në fund do të martohem”- tha ajo në atë kohë.
Në vitin 2014, në një intervistë për Oprah Winfrey tha se ishte e vetëdijshme për seksualitetin e saj që në moshën 12-vjeçare.
“Nuk dua të etiketohem si lesbike por si një njeri që do njerëzit,”– tha aktorja.
