Është ndarë nga jeta në moshën 55-vjeçare shkrimtari i njohur spanjoll, Carlos Ruiz Zafon.
Zafon mbylli sytë parakohe për shkak të një sëmundjeje të rëndë në Los Angeles.
“Sot është një ditë e trishtë për të gjithë shtëpinë botuese: në 20 vite që kemi punuar së bashku, u krijua një miqësi që tejkalon marrëdhëniet profesionale”, thuhet në njoftimin e shtëpisë botuese, Planeta.
Karlos Ruiz Zafon u bë i njohur për librat si “Hija e Erës”, “Loja e Engjëllit” apo “Marina” etj., duke shënuar sukses ndërkombëtar.
Mjeshtëria e Zafonit, qëndronte jo vetëm në krijimin e tensionit të brendshëm tek personazhet dhe tek lexuesi, por edhe në shkopsitjen e ngjarjes në kohën dhe vendin më të mirë.
