Mesfushori i Romës, Bryan Cristante është sulmuar ditën e sotme në kryeqytetin italian, ku dy persona të paidentifikuar tentuan ta grabisnin.
Futbollistit 25-vjeçar iu afruan me motor dy persona të mbuluar në fytyrë të cilët donin t’i merrnin me forcë orën Rolex nga dora.
Ashtu siç thotë gazetari Marco De Risi për gazetën, “Il Messaggero”, Cristante arriti t’i shpëtojë kësaj tentative duke goditur xhamin e kaskos së njërit prej tyre, që më pas i ka dhënë gaz mjetit dhe është larguar.
Të dy janë arratisur, ndërsa Cristante ka denoncuar rastin në polici.
