Tifozët e skuadrës së Napolit e kanë kaluar mbrëmjen e djeshme duke festuar suksesin e tyre në Kupën e Italisë kundër Juventusit.
Festa ka zgjatur deri në orët e para të mëngjesit, ndërsa pas shumë viteve “thatësirë” tashmë napolitanët mund të krenohen me këtë arritje.
Për Dries Mertens ka qenë një javë e zënë dhe e mbushur me emocione. Në fillim rinovimi i kontratës me Napolin e më pas fitimi i Kupës së Italisë në finalen ndaj bardhezinjve, Dries Mertens nuk kishte si ta mbyllte më mirë natën e djeshme, të cilën futbollisti belg dhe lojtarët e tjerë e festuan për orë të tëra.
Në momentin e mbërritjes në Afragola, tifozët e Napolit i bllokuan rrugën taksisë që po sillte, Mertens, duke i kënduar këngë yllit të tyre.
