Dy aksidente automobilistik janë regjistruar mëngjesin e sotëm në kryeqytet.
Sipas burimeve zyrtare një mjet ende i paidetifikuar ka aksidentuar dhe është larguar nga vendi i ngjarjes biçiklisten N.C.,22 vjeçe. Ngjarja ka ndodhur rreth orës 08:07, tek sheshi “Karl Topia”.
Ndërsa një aksidetn tjetër është regjistruar rreth 08:09, në rrugën “Teodor Keko” Unazë e Re. Mësohet se një mjet me drejtues ende të paidentifikuar, ka aksidentuar biçiklisten D.Sh., 25 vjeçe dhe është larguar nga vendi i ngjarjes.
Dy vajzat janë transportuar në spital dhe ndodhen nën kujdesin e mjekëve.
Shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
