UEFA mori sot disa vendime të rëndësishme për përfundimin e kompeticioneve evropiane të sezonit aktual por vendime u morën edhe për startin dhe formatin e Champions League 2020-2021, ku sigurisht turet paraeliminatore janë ato që na interesojnë në Shqipëri.
Shansi i artë vjen për skuadrat e kampionatit shqiptar dhe atij kosovar të cilat mund të përfitojnë nga formula e re që do të përdoret. Ndeshjet kualifikuese të skuadrave shqiptare në Ligën e Kampioneve dhe Ligën e Europës do të luhen me ndeshje teke, në ndryshim nga më parë kur luheshin me sistem vajtje-ardhje, ndërsa vendi ku do të zhvillohet ndeshja do të caktohet me short.
Gjithçka e sqaron FSHF-ja me anë të një njoftimi në faqen zyrtare:
Ndeshjet kualifikuese të skuadrave shqiptare në UEFA Champions League dhe UEFA Europa League do të luhet me ndeshje teke në ndryshim nga më parë kur luheshin me sistem vajtje-ardhje, me përjashtimin e vetëm për play-off të UEFA Champions League që do të mbetet me sistemin vajtje-ardhje. Shorti do të jetë ai që do të vendosë se kush skuadër do të luajë në stadiumin e tij ndeshjen teke.
Kalendari i ri i fazës kualifikuese dhe fazës së grupeve për sezonin 2020-2021 është si më poshtë:
UEFA Champions League 2020-2021
Raundi paraeliminator: 8 dhe 11 gusht
Raundi i parë kualifikues: 18-19 gusht
Raundi i dytë kualifikues: 25-26 gusht
Raundi i tretë kualifikues: 15-16 shtator
Play-offs: 22/23 dhe 29/30 shtator
Faza në grupe: 20/21 dhe 27/28 tetor, 3 dhe 24/25 nëntor, 1 dhe 8/9 dhjetor
UEFA Europa League 2020/2021
Raundi paraeliminator: 20 gusht
Raundi parë eliminator: 27 gusht
Raundi dytë eliminator: 17 shtator
Raundi tretë eliminator: 24 shtator
Play-off: 1 tetor
Faza në grupe: 22 dhe 29 tetor, 5 dhe 6 nëntor, 3 dhe 10 dhjetor
Shorti për fazën në grupe të sezonit 2020/2021 i UEFA Champions League dhe UEFA Europa League do të zhvillohet në Athinë në 1 dhe 2 tetor 2020.
