Një aksident automobilistik është regjistruar mesditën e kësaj të mërkure në qytetin e Kavajës.
Mësohet se automjeti i një efektivi policie është përplasur me një shtyllë pasi ka humbur kontrollin e mjetit dhe për pasojë ka mbetur i plagosur efektivi. Burime bëjnë me dije se bëhet fjalë për shtetasin Murat Xhahysa.
Ngjarja ka ndodhur rreth orës 13:10, tek vendi i quajtur “Unaza e vjetër”.
Përplasja ka qenë e fortë, ndërsa efektivi ka marrë plagë në këmbë dhe në krah ndërsa është transportuar drejt spitalit për të marrë ndihmën mjekësore.
Shërbimet e policisë ndodhen në vendngjarje dhe po punojnë për zbardhjen e shkaqeve të aksidentit.
