Formula 1 do të startojë sezonin e saj të ri më datë 5 korrik me Çmimin e Madh të Austrisë.
Për këtë garë, duke parë edhe protestat në nder të George Floyd të vrarë nga policia e Minneapolis të cilët kërkojnë barazi racore, Lewis Hamilton do të bëjë një gjest që mbështet betejën kundër racizmit
Duket se britaniku synon të imitojë gjestin e Kaepernick, lojtar i futbollit amerikan, që u gjunjëzua në momentin që këndohej himni amerikan. Babai i Lewis Hamilton, Anthony Hamilton, ka ftuar të gjithë të ndjekin shembullin e 6 herë kampionit të botës dhe të ulen në gjunjë.
“Kjo është një çështje që nuk i përket vetëm Lewis, por të gjithë Formula 1. Uroj që e gjithë Formula 1 të ulet në gjunjë. Ai nuk ka frikë ta bëjë këtë gjest, pasi është një veprim i drejtë, ku ai beson. Të ulemi në gjunjë jo vetëm për Floyd, por për të gjithë ata që po vuajnë nga racizmi”, tha Anthony Hamilton.
