Është shënuar viktima e 34-t nga COVID-19 në Kosovë. Sot ka ndërruar jetë te Klinika Infektive pacientja N. D. (1946) nga Komuna e Rahovecit.
Ajo ishte shtruar në Klinikën Infektive më 5 qershor dhe përveç infeksionit me Covid -19 kishte edhe sëmundje të tjera shoqëruese.
Aktualisht në Kosovë janë 58 pacientë të hospitalizuar ku një prej tyre është në gjendje të rëndë.
“Në Klinikën Infektive sot janë të hospitalizuar 58 pacientë. Prej tyre, të sëmurë me Covid 19 janë gjithsej 53 pacientë. Nga 53 pacientët e infektuar me Covid 19, 33 raste janë në gjendje stabile; 20 pacientë janë duke u trajtuar me oksigjenoterapi dhe përkujdesje intensive, prej të cilëve një rast në gjendje të rëndë është duke u trajtuar në Repartin e Mjekimit Intensiv të Klinikës Infektive”, thuhet në raport.
Në pritje të rezultateve janë 3 pacientë, ndërsa 1 pacient i cili rezultoi negativ në testimet e fundit për Covid- 19 vazhdon trajtimin në klinikë.
