Aktivisti Pano Soko ka reaguar përmes një postimi në rrjetet sociale lidhur me provimet e maturës shtetërore, si dhe tezat që hartohen.
Soko shkruan se kurai ka dhënë provimet nuk kishte reformë kembrixhiane, por nxënësit testoheshin për njohuritë e tyre në lëndën përkatëse.
“Mbaj mend që kur unë kam dhënë provimin e lirimit në gjuhë-letërsi, s’kishim bërë reformë kembrixhiane ende.
Ditën e parë, me shkrim, na caktohej të bënim një skicë letrare, jo më pak se dy faqe. Tregim i shkurtër, ose pamflet, sipas dëshirës.
Ndërsa ditën tjetër, me gojë, zgjidhnim një tezë, nga 30-40 teza të vendosura mbi tavolinë përmbys (ç’fat të kishe…), ku kishte pyetje nga pothuaj gjithë rrymat letrare që nga lashtësia e deri në ditët e sotme, nga autorë të huaj dhe vendas. Unë mbaj mend që më kanë rënë nga të huajt Floberi dhe Balzaku dhe nga shqiptarët Migjeni.
Shkoje përgatiteshe 15 minuta dhe më pas përgjigjeshe përpara komisionit.
Dhe kështu vlerësoheshe për përgatitjen tënde në gjuhë dhe letërsi.
Në kohën time, nuk kishte QSHA, AQSH, APSH,etj.. Në kohën time kishte sens”, shkruan Soko.
