Ish-kryebashkiaku i Hasit, Adem Lala është marrë nga SPAK i pandehur.
Lala akuzohet për shpërdorim detyre lidhur me privatizimin e një ndërtese në Has por që më pas u anulua.
Ai do të paraqitet në SPAK më 18 qershor ndërkohë që nga një komunikim me News24, ka thënë se nuk është i shqetësuar pasi s’ka kryer asnjë shkelje. Po ashtu ai shpreh shqetësimin se ndërkohë që peshqit e mëdhenj lundrojnë lirshëm SPAK merret me këto çështje.
Për këtë çështje fillimisht procedimi u regjistrua në Prokurorinë e Kukësit dhe më pas në SPAK teksa Lala thotë se do të jetë i hapur për hetime. /News24/
