Dy persona të shpallur në kërkim për vepra të ndryshme penale janë arrestuar nga policia e Durrësit.
Pas hekurave ka përfunduar shtetasi B.Z., 63 vjeç, banues në fshatin Zall, Krujë. Sipas burimeve zyrtare, këtij shtetasi Prokuroria e Rrethit Krujë i ka nxjerrë urdhër ndalimi për veprën penale “Përndjekja”, sepse ka përndjekur shtetasen S. K.
Pas hekurave ka përfunduar dhe shtetasi F.Z., 35 vjeç, banues në Fushë Krujë, pasi Gjykata e Shkallës së Rrethit Gjyqësor Durrës i ka caktuar masën e sigurisë “Arrest në burg”, për veprën penale “Shtrëngim me anë të kanosjes apo dhunës për dhënie pasurie”, sepse më datë 21.07.2019 ka kanosur shtetasin A. P.
Materialet i kaluan Prokurorisë së Rrethit Gjyqësor Durrës, për veprime të mëtejshme.
