Sot është shënuar një tjetër rekord negativ për sa u përket shifrave ditore me Covid-19 në Shqipëri. Burime bëjnë me dije se gjatë 24 orëve të fundit në të gjithë vendin tonë kanë rezultuar pozitiv me Covid-19, 82 persona.
Shpërndarja gjeografike e të prekurve në 24 orët e fundit është si vijon: 28 të prekur në Tiranë, 18 në Shkodër, 10 në Krujë, 8 në Durrës, 7 në Vlorë, 3 në Kamëz, nga 2 raste në Kukës, Elbasan, Fier dhe nga 1 I prekur në Korçë dhe Pukë.
Kjo është shifra më e lartë e regjistruar që prej fillimit të pandemisë në vendin tonë. Sot janë 13 raste të reja më shumë se dje ku u konfirmuan 69 raste pozitive.
Edhe pse shifrat po vazhdojnë të rriten ditë për ditë duke u bërë gjithnjë e më shumë problematike, në mbledhjen që zhvilloi të premten Komiteti Teknik i Ekspertëve mori vendimin që të mos rikthehen masat kufizuese pasi nuk e shihnin të arsyeshme.
Sipas mjekëve rritja e numrit të të infektuarëve ishte e pritshme pas hapjes së vendit dhe rikthimi i jetës normale.
