Edhe ambasadori austriak në Tiranë, Christian Steiner ka dalë kundra Edi Ramës për kushtet e BE.
Në një intervistë sot (15 qershor) me gazetën “Panorama”, thekson kushtet të cilat duhen të përmbushen para se të mblidhet Konferenca e Antarësimit (ose Ndërqeveritare) dhe liston prej tyre reformën zgjedhore, reformën në drejtësi, lirinë e medias, etj.
Në një konference shtypi në kryeministri në 6 qershor, Edi Rama mohoi qartë e në mënyrë të përsëritur 15 kushtet që atij i vuri Bashkimi Europian i udhëhequr nga Gjermania, Franca dhe Holanda.
Tre ditë më vonë ai do të ishte i pranishëm në Këshillin Kombëtar të Integrimit dhe do të kishte shansin të korrigjonte fyerjen e 6 qershorit. Rama kokëfortë foli 25 minuta për Evropën bujqësinë dhe aplikacionin E-Albania por nuk i përmendi kushtet. Krejt ndryshe nga Meta e Ruçi u fokusuan seriozisht që tek këto kushte.
Po sot, Grupi Parlamentar i Partive Popullore Europiane (PPE) dorëzoi një amendament në PE, për rezolutën mbi Ballkanin Perëndimor e cila miratohet këtë javë në plenaren e Parlamentit Europian. Amendamenti i firmosur nga eurodeputetja Kinga Gàl, raportere e PPE për këtë rezolutë me kërkesën e raporterit për Shqipërinë David Lega e me pëlqimin e koordinatorit Michael Gahler, cilëson se Parlamenti Europian: “thekson 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet antare”.
Grupi i PPE ‘godet’ Ramën/ Amendim për “15 kushtet” në rezolutën e PE
